Qoşaçaylı şair dostum Şükrü Mənsur Yanğın Bakıda qonağımdır
Maraqlı | Şərhlər(2)
Baxış sayı: 33
Açar sözlər:
Maraqlı | Şərhlər(0)
Baxış sayı: 13
Açar sözlər:
Milli Kitab Mükafatı"nın finalçısı, yazar Şərif Ağayarın Milli.Az xəbər portalına müsahibəsi
“Xalq mənim həyat və yaradıcılığımı Namiq Qaraçuxurlunun şit-şit meyxana və mahnılarına çoxdan dəyişib...”
- Bir zamanlar sizin imzanıza ədəbi mətbuatda daha tez-tez rast gəlirdik, sizə elə gəlmirmi, son vaxtlar yaradıcılığa daha az vaxt ayırırsınız?
- Vaxtdan danışma! Ən yaralı yerimdi bu saat... Bir loxma çörək dalınca düşmüşük, arada arvaddan-uşaqdan, bu bivec dünyadan oğurlanıb nəsə yazıram da. Sizə deyim bu təkcə məndə yox, bütün yaradıcı dostlarımda belədir. Ciddi ədəbiyyat fədakarların ümidinə qalıb. Bizim işimiz təmənnasız nəğmə oxuyan bülbülə bənzəyir. Şairin bülbüllüyü elə də faciəvi deyil. Ancaq proza ilə məşğul olanların ilham pərisini gözləməsi və ya yaradıcılığı günəş təmənnasızlığı ilə eyniləşdirməsi gözgörəti faciədir. Sizə bir sirr açım, mən ömrüm boyu heç bir yazıma enerjimin onca faizini qoya bilməmişəm. Yaşamaq peşində sərf etdiyim vaxta və enerjiyə hərdən elə heyfim gəlir ki, oturub sıqqasıq ağlamaq istəyirəm.
- Sizcə bu gün Azərbaycan ədəbiyyatının ən vacib problemi nədir?
- Ən vacib problemlərdən biri ədəbiyyatın geniş oxucu auditoriyasının olmamasıdır. Bizi oxumurlar qardaş! Nə qədər çətin olsa da etiraf etməliyik. Əgər, istedadlı bir gənc yazarın kitabı heç 500 nüsxə satılmırsa yalnız fiaskodan danışmaq olar. Reallıq budur, ancaq kimsə istəyirsə onu yalandan həvəsləndirim, bunu da bacararam. Nə qədər ki, Azərbaycan yazıçısı çap elədiyi kitabın heç olmasa maya dəyərini çıxara bilmir, ədəbiyyatın inkişafından danışmaq adamı dolamaqdır.
Müsahibə | Şərhlər(0)
Baxış sayı: 65
Açar sözlər:
“Qarabağ probleminin həlli, həm də təhsildən keçir”
Milli Məclisin Elm və Təhsil komissiyasının keçmiş sədri, YAP İdarə Heyətinin üzvü, fizika-riyaziyyat elmləri doktoru, professor Şahlar Əsgərovun Milli.Az xəbər portalına müsahibəsi
- Mətbuatdakı çıxışlarınızda həmişə Azərbaycanda təhsilin səviyyəsindən şikayətlənirsiniz, bu sahədə vəziyyət yenə siz dediyiniz kimidir, yoxsa hansısa dəyişikliklər var?
- Mən ABŞ prezidentlərindən birinin fikrindən tez-tez istifadə edirəm: “Amerika Universitetləri qüvvətlidir – ona görə yox ki, Amerika dövlətlidir, ABŞ dövlətlidir – ona görə ki, onun Universitetləri qüvvətlidir”. Mən Azərbaycan dövlətinin daim qüvvətli olmasını istəyirəm. Burada təhsilin rolu böyük ola bilər, çünki təhsil tükənməz gücə malikdir. Şəxsən mən belə düşünürəm ki, Qarabağ probleminin həlli, həm də təhsildən keçir.
Müsahibə | Şərhlər(0)
Baxış sayı: 78
Açar sözlər:
(satirik-publisistik hekayə)
Uzun illər mətbuatda çənə döyüb baş ağrıtdıqdan sonra belə qərara gəlmişdim ki, yazı-pozu ilə baş və ailə saxlamaq olmaz. Ona görə başlamışdım özümə iş axtarmağa...Nə başınızı ağrıdım, kəsəsi, gah özümə uyğun iş tapa bilməmişdim, gah da iş tapmışdım, məni bu işə uyğun bilməmişdilər. “Axtaran tapar” hikmətli sözü burada karıma gəlməmişdi. Ona görə də bir gün bu sözü kənara qoyub “məsləhətli don gen olar” sözünün hikmətini yoxlamağa başladım.Məsləhətləşmə zamanı, sizdən yaxşı olmasın, yaxşı dostlardan biri mənə təklif etdi ki, get QHT işi ilə məşğul ol, bu işdə yaxşı qazanc var. Açığı, bu QHT sözünü son illər çox eşitmişdim, ancaq nə demək olduğunu, ideyasını, prinsipini öyrənmək üçün çox dərinə getməmişdim, yəni baş aparmamışdım. İndi dostum mənə QHT işini təklif edəndə də təbii ki, bu barədə elə ilk olaraq dostumun özündən soruşmalı idim. Soruşdum da. Dostum cavabında bildirdi ki, qardaş, bu işin içində olmasan, mahiyyətini və dadını bilməzsən. Bu üstü örtülü cavab, marağıma səbəb oldu. Dostumun qiymətli məsləhətini beynimdə dolandıra-dolandıra qərara gəldim ki, QHT haqqında məlumat toplayım. İlk olaraq, “QHT nədir” sualına cavab axtaracaqdım.
Publisistika | Şərhlər(0)
Baxış sayı: 120
Açar sözlər:
Mayın 21-də Azərbaycan Yazıçılar Birliyində şair Qəşəm Nəcəfzadənin yeni şerlərinin müzakirəsi keçiriləcək. Ədəbi tədbirin aparıcısı tənqidçi Əsəd Cahangir olacaq. İştirak etmək istəyənlər sabah saat 13:50-də AYB-nin “Natəvan” klubuna gələ bilərlər.
Tədbir | Şərhlər(0)
Baxış sayı: 84
Açar sözlər:
Şair Zahir Əzəmətin 35 yaşının tamam olması münasibəti ilə
Ədəbi mühitə gəldiyim ilk günlərdən onunla tanış olmuşdum. O, gördüyüm ilk gündən özü haqqında məndə xoş təəssürat yaratmışdı. İllər keçdi. Bir-birimizi yavaş-yavaş tanımağa başladıq. Mən onun haqqında yanılmadığımı daha da dəqiqləşdirdim. O, həqiqətən mən deyən adam idi. Səmimi, insanpərvər, mədəni, istedadlı, intellektual, işgüzar və qətiyyətli Zahir. Ancaq o məni necə tanıyıb, mənim barəmdə yanılıb yoxsa yox – bunu bilmirəm.
Təbrik | Şərhlər(1)
Baxış sayı: 97
Açar sözlər:
“Bizim söz” ədəbi-publisistik qəzetinin yeni sayı mayın 15-dən satışda olacaq. Ələmdar Cabbarlının baş redaktorluğu ilə nəşr edilən qəzetin bu sayında ədəbi mühitdə baş verən yeniliklər, yeni çapdan çıxan kitablar haqqında informasiyalar, Əvəz Qurbanlının şair Zahir Əzəmətin 35 yaşı münasibətilə qələmə aldığı “İtirilmiş nəslin tapıntısı” yazısı, 
Mina Rəşid, Xaqani Ayxan və b. şeirləri, Vaqif Yusiflinin xalq şairi R.Rzanın 100 illik yubileyi münasibətilə qələmə aldığı yazı, professor Elçin İsgəndərzadənin “Poeziyamızın əfəndilik səhifəsi” yazısı, Ayxanın Azərbaycanda fəaliyyət göstərən ədəbiyyat portalları haqqında təhlil xarakterli məqaləsi, türk yazıçısı Rəşad Nuri Güntəkin, Eluca Atalı və Arif Alimin hekayələri, Ə.Qurbanlının tənqidçi Əsəd Cahangirlə müsahibəsi, İsmayıl İmanzadənin “Mənim tanıdığım Fərman Kərimzadə” məqaləsi, Elşən Əzimin “Don Kixot”a ehtiyacım var” adlı köşəsi və digər maraqlı yazılar yer alıb.
Yenilklər | Şərhlər(0)
Baxış sayı: 101
Açar sözlər:
Azərbaycan da daxil olmaqla, keçmiş sovet respublikalarının əksəriyyəti faşizm üzərində qələbənin 65-ci ildönümünü bayram etməyə hazırlaşdığı ərəfədə, Azərbaycanın daha 4 kəndi “işğal” edildi. 9 kənd isə “işğal” təhlükəsi səbəbindən boşaldıldı. On minlərlə insan ev-eşiyindən didərgin düşdü. 2010-cu ildə ölkəmizdə daha bir çadır düşərgəsi salındı...
Əlbəttə, bu günlərdə Azərbaycan-Ermənistan savaşında atəşkəs rejimi, bəzi istisnalar olmaqla, pozulmayıb, cəbhə xəttində nisbi də olsa, sakitlik hökm sürür. Söhbət, təbii ki, son günlər ölkə mətbuatının baş xəbərinə çevrilmiş böyük təbii fəlakət – ölkənin ən iri çayı olan “dəli” ləqəbli Kür çayının daşması nəticəsində sahil kəndlərinin su altında qalmasından gedir...
***
İbrət | Şərhlər(1)
Baxış sayı: 151
Açar sözlər:
Yasin Xəlil:
Ölkədə günbəgün artır hacı qardaşlarımız,
Guya ki, haqqa dönürlər bacı-qardaşlarımız.
Əvəz Qurbanlı:
On kərə həccə gedən qonşu nə bilsin neynir,
Qonşu evlərdə çörək möhtacı qardaşlarımız...
Yasin:
Görmədik bir yetimə əl tutub imdad edələr,
Heç doyuzdurmadılar bir acı qardaşlarımız.
Deyişmələr | Şərhlər(0)
Baxış sayı: 119
Açar sözlər:
